Frá árinu 2016 hefur Kristín Einarsdóttir þjóðfræðingur haft umsjón með útvarpsþáttum eða réttara sagt innslögum í Mannlega þáttinn á Rás 1.
Í þessum stuttu innslögum hefur hún tekið hátt á annað hundrað viðtöl við Strandamenn um ýmis efni, allt frá vangaveltum um kynlíf bænda fyrr á öldum, hestamennsku, hundatamningu, músahræðslu og fleira og fleira.
Hér er þessum innslögum safnað saman og hægt er að leita í þeim eftir nafni og umræðuefnum.
Í Strandabyggð búa um 450 manns og nú er kosningum til sveitastjórnar þessa víðfeðma sveitarfélags nýlokið. Enginn listi kom fram fyrir kosningarnar þannig að kosið var með óhlutbundinni kosningu og hlaut oddviti fráfarandi sveitastjónar Jón Gísli Jónsson flest atkvæði. Kristín hitti Jón Gísla og byrjaði á að forvitnast um kosningarnar. Viðtalinu var útvarpað 5. júní 2018
Strandapósturinn – tímarit sem gefið er út af Átthagafélagi Strandamanna kom á dögunum út í 50. sinn af því tilefni ræddi Kristín við Jónu Ingibjörgu Bjarnadóttur sem er framkvæmdastjóri Strandapóstsins og Mörtu Guðrúnu Jóhannesdóttur sem er einn greinarhöfunda í afmælisritinu og hefur auk þess nýhafið störf í ritnefnd.
Kristín fór í sautánda júní kaffi á Sauðfjársetrinu sem er til húsa í Félagsheimilinu Sævangi, og hitti þar Ester Sigfúsdóttur sem sér um setrið og svo hana Ásdísi Jónsdóttur sem jafnan er kölluð Snúlla
Kristín fór á Báta- og hlunnindasýninguna á Reykhólum og hitti þar Hafliða Aðalsteinsson bátasmið sem á ásamt öðrum veg og vanda að sýningunni. Það var svo Gunnar Jóhannsson sem bætti við einni lítilli sögu.
Kristín fór í heimsókn í Steinshús við Ísafjarðardjúp þar sem starfrækt er safn og sýning um ævi skáldsins Steins Steinar. Hún spjallaði þar við Þórarinn Magnússon og Sigurð Sigurðsson
Kristín fór í hvalaskóðun á Steingrímsfirði á hvalaskoðunarskipinu Láka og ræddi við skipstjórann Víði Björnsson og leiðsögumanninn Karl O’neal.
Merkur fonleifauppgröftur fór fram á Ströndum í sumar þar sem hópur innlenndra og erlendra fræðimanna rannsakaði bein af ýmsu tagi og annað merkilegt sem kom upp úr jörðinni við Sandvík á Selströnd. Bergsveinn Birgisson rithöfundur og fræðimaður í Bakkagerði var upphafsmaður að þessari rannsókn.
Birnu Bjarnardóttur vinnur ásamt eiginmanni sínum og börnum að því að gera upp gamalt og reisulegt hús í Skálholtsvík sem þau tengjast öll sterkum böndum, hvert með sínum hætti.
Svokallaður fólksflótti af landsbyggðinni hefur verið viðvarandi í áratugi og mörgum þykir nauðsynlegt að bregðast við með einhverjum ráðum. Á fundi á Hólmavík í september var rætt um leiðir til úrbóta en það var Jón Jónsson þjóðfræðingur sá um verkefnið ásamt þeim Agnesi Jónsdóttur og Guðrúnu Gígju Jónsdóttur sem einnig eru báðar þjóðfræðingar
Indriða Aðalsteinsson bónda á Skjaldfönn ræðir um sauðfjárræktina,smalamennsku og sitthvað sem snýr að lífi bóndans.
