Frá árinu 2016 hefur Kristín Einarsdóttir þjóðfræðingur haft umsjón með útvarpsþáttum eða réttara sagt innslögum í Mannlega þáttinn á Rás 1.
Í þessum stuttu innslögum hefur hún tekið hátt á annað hundrað viðtöl við Strandamenn um ýmis efni, allt frá vangaveltum um kynlíf bænda fyrr á öldum, hestamennsku, hundatamningu, músahræðslu og fleira og fleira.
Hér er þessum innslögum safnað saman og hægt er að leita í þeim eftir nafni og umræðuefnum.
Hér heyrum við seinni hluti viðtals Kristínar Einarsdóttur við Jósep Blöndal lækni. Jósep hefur á sínum læknisferli í Stykkishólmi komið þúsundum Íslendinga til hjálpar sem átt hafa við bakvandamál að stríða. Jósep er frábær sögumaður og hann hélt áfram að segja skemmtilegar. 7. maí 2019
Þorsteinn Sigfússon hefur starfað sem svæðisstjóri Orkubús Vestfjarða með aðsetur á Hólmavík í hátt í fjóra áratugi. Kristín Einarsdóttir, okkar kona á Ströndum, hitti Þorstein og ræddi við hann um starfið og ýmislegt annað. 20. október 2020
Þórður Halldórsson býr á bænum Laugarholti í Skjaldfannardal við Ísafjarðardjúp. Hann hefur á hverju sumri síðan 1990 og þar til í sumar farið með hópa fólks í hestaferðir yfir Drangajökul og í Reykjarfjörð nyrðri. Kristín Einarsdóttir, okkar kona á Ströndum, hitti Þórð heima hjá honum og hestunum hans og bað hann að segja frá þessum mögnuðu ferðum. 13. október 2020
Kúasmölun og bjargsig var aðalumræðuefni Kristínar Einarsdóttur, okkar konu á Ströndum og Konráðs Eggertssonar sem margir þekkja sem Hrefnu-Konna enda landsþekktur hrefnuveiðimaður, þar sem þau sátu í sólinni í Þernuvík einn septemberdag. 6. október 2020
Kristín Einarsdóttir, okkar kona á Ströndum, brá sér yfir í Húnaþing vestra og hitti Guðnýju Helgu Björnsdóttur á Bessastöðum sem þar býr ásamt manni sínum, hinum þekkta hestamanni Jóhanni Magnússyni. Þau búa þar að sjálfsögðu með hesta en líka kýr og Guðný sem er fædd og uppalin á Bessastöðum hefur upplifað miklar breytingar í framleiðslu mjólkur. 29. september 2020
Kristín okkar Einarsdóttir fór undir lok ágústmánaðar og hitt Indriða bónda á Skjaldfönn í Skjaldfannardal og ræddi við hann um veðrið síðasta vetur og ýmislegt annað fróðlegt. 22. september 2020
Rakel Jóhannsdóttir frá Hólmavík ákvað stuttu eftir fimmtugsafmælið sitt að fara á strandveiðar. Kristín Einarsdóttir, okkar kona á Ströndum, hitti Rakel þegar hún var að hefja strandveiðar fyrir þremur árum og svo núna þegar vertíðinni lauk . 15. sept. 2020
Systurnar frá Melum í Árneshreppi hafa komið fram við ýmis tækifæri ogskemmt gestum með söng og gamanmálum. Kristín okkar Einarsdóttir ræddi við Ellen Björnsdóttur, eina þeirra, en fékk svo þær allar þrjár til að taka lagið í fjárhúsinu á Melum.
Við hugsum mögulega ekki útí það dagsdaglega hversu mikil vinna og mannfrek það er að mála og halda við öllum hinum fjölmörgu vitum sem vísað hafa sjófarendum leiðina í gegnum árin. Kristín Einarsdóttir hitti Þorbirnu Björgvinsdóttur á bryggjunni í Kokkálsvík þar sem hún var að koma frá því að mála vitann í Grímsey.
Jón lærði Guðmundsson sem uppi var á árunum 1574 til 1658 lifði viðburðarríku lífi svo ekki sé meira sagt. Viðar Hreinsson bókmenntafræðingur skrifaði bók um Jón, Jón lærði og náttúrur náttúrunnar sem nýverið kom út hjá Lesstofunni. Jón lærði fæddist og bjó um hríð norður á Ströndum og þangað lagði Viðar leið sína í sumar. Kristín Einarsdóttir, okkar kona á Ströndum, hitti Viðar fyrir norðan og bað hann að segja frá Jóni lærða. 25. ágúst 2020
