Við hugsum mögulega ekki útí það dagsdaglega hversu mikil vinna og mannfrek það er að mála og halda við öllum hinum fjölmörgu vitum sem vísað hafa sjófarendum leiðina í gegnum árin. Kristín Einarsdóttir hitti Þorbirnu Björgvinsdóttur á bryggjunni í Kokkálsvík þar sem hún var að koma frá því að mála vitann í Grímsey.
Jón lærði Guðmundsson sem uppi var á árunum 1574 til 1658 lifði viðburðarríku lífi svo ekki sé meira sagt. Viðar Hreinsson bókmenntafræðingur skrifaði bók um Jón, Jón lærði og náttúrur náttúrunnar sem nýverið kom út hjá Lesstofunni. Jón lærði fæddist og bjó um hríð norður á Ströndum og þangað lagði Viðar leið sína í sumar. Kristín Einarsdóttir, okkar kona á Ströndum, hitti Viðar fyrir norðan og bað hann að segja frá Jóni lærða. 25. ágúst 2020
„Þetta fólk að sunnan veit ekki neitt í sinn haus“, sagði Guðjón hreppstjóri á Eyri við Ingólfsfjörð við Svanhildi Guðmundsdóttur sem flutti þangað um vorið 1963 frá Hafnarfirði. Kristín Einarsdóttir hitti Svanhildi norður á Eyri og fékk hana til að segja frá aðdraganda þess að hún flutti norður og ástæðum þess að hún þurfti að flytja aftur suður. 18. ágúst 2020
Kristín Einarsdóttir steig á bak glænýju reiðhjóli og hjólaði sem leið lá yfir Bjarnarfjarðarhálsinn til að heimsækja Vigdísi Esradóttur sem rekur hótel Laugarhól. Þær spjölluðu vítt og breitt um gistimöguleika á Ströndum, afþreyingu, gönguleiðir og fleira. 12. maí 2020
Grunnskóli Drangsness er einn fámennasti skóli landsins en þrátt fyrir það fer þar fram mikið og metnaðarfullt skólastarf. Kristín Einarsdóttir fékk að fylgjast með skólastarfinu einn morgunn og ræddi við nemendur. 5. maí 2020
Rósmundur Númason er fæddur á Hólmavík árið 1953 og hefur búið mestalla ævi á Ströndum. Kristín Einarsdóttir hitti Rósmund og ræddi við hann um skíðaíþróttina sem hann hefur stundað af kappi og ásamt nokkrum öðrum Strandamönnum hefur hann farið átta sinnum í hina miklu Vasagöngu í Svíþjóð. 28. apríl 2020
Esther Ösp Valdimarsdóttir rekur Hvatastöðina sem er sjálfseflingarsetur og jógastúdíó í gömlu flugstöðinni á Hólmavík. Kristín Einarsdóttir hitti Esther og ræddi við hana um mikilvægi slökunar á erfiðum tímum. 21. apríl 2020
Þegar mikið liggur við og fátt er um bjargir, grípa margir til þess ráðs að heita á einhvern eða eitthvað til hjálpar – Kristín Einarsdóttir, okkar kona á Ströndum, ræddi áheit við Elínu Öglu Bríem, Ernu Nielsen og Guðmund Jónsson en Guðmundur hefur um árabil séð um svokallaðan Hallvarðssjóð. 14. apríl 2020
Á Ströndum eins og annars staðar á landinu eiga draugar að hafa gengið ljósum logum – þótt minna beri á þeim nú á dögum ljósmengunarinnar. Kristín Einarsdóttir, okkar kona á Ströndum, kynnti sér sögu Sunndals-Helgu sem var niðursetningur í Sunndal innaf Bjarnarfirði á Ströndum. Hún varð úti og á svo að hafa fylgt afkomendum fólksins sem reyndist henni illa. 7. apríl 2020
í snjókomu og byl norður á Ströndum grúskaði Kristín Einarsdóttir í gömlum Strandapóstum og rakst þar á frásögn af Þórði nokkrum sem sagan segir að hafi hafist við í Þórðarhelli í Reykjaneshyrnu – Sagan segir að Þórður hafi komið sér í duggu til Hollands og það gerði líka frægari sögupersóna, sjálfur Jón Hreggviðsson. Kristín sagði meira frá Þórðarhelli í þættinum.
