Frá árinu 2016 hefur Kristín Einarsdóttir þjóðfræðingur haft umsjón með útvarpsþáttum eða réttara sagt innslögum í Mannlega þáttinn á Rás 1.
Í þessum stuttu innslögum hefur hún tekið hátt á annað hundrað viðtöl við Strandamenn um ýmis efni, allt frá vangaveltum um kynlíf bænda fyrr á öldum, hestamennsku, hundatamningu, músahræðslu og fleira og fleira.
Hér er þessum innslögum safnað saman og hægt er að leita í þeim eftir nafni og umræðuefnum.
Hin saklausa skemmtun er heiti á bókmenntahátíð sem haldin verður á Hótel Laugarhóli í Bjarnarfirði laugardaginn 12. október og hefst kl.9:30. Þar verða ýmsir góðir gestir en Vigdís Esradóttir á hugmyndina og heiðurinn af hátíðinni. Kristín Einarsdóttir hitti Vigdísi og Mörtu Guðrúnu Jóhannesdóttur á heimili Vigdísar Steinholti í Bjarnarfirði. Vigdís sagði frá tilurð hátíðarinnar og bókmenntafræðingurinn Marta Guðrún ræddi um mikilvægi slíkrar samkomu
Anna Björg Ingadóttir tók í haust við skólastjórastöðu í Reykhólaskóla – þar var áður heimavist sem nú er aflögð. Kristín Einarsdóttir hitti Önnu Björgu og ræddi við hana um skólastjórastarfið en líka um andaglas sem stundað var af miklum áhuga á gömlu heimavistinni.
Þörungaverksmiðjan á Reykhólum var stofnuð árið 1975 og er stærsti vinnustaðurinn á Reykhólum og sú eina sinnar tegundar á landinu. Kristín Einarsdóttir hitti Finn Árnason framkvæmdastjóra verksmiðjunnar og fékk að heyra í stórum dráttum af því stórmerkilega starfi sem þar fer fram
Ásta Þórisdóttir starfar sem listgreinakennari í Grunnskólanum á Hólmavík – Kristín Einarsdóttir hitti Ástu og bað hana að segja frá starfinu
Í landi Seljaness reis í vor tjald – þó ekkert venjulegt útilegutjald, Þetta er mongólkst hirðingjatjald og eigandi þess og tjaldráðandi er Elín Agla Briem. Kristín Einarsdóttir heimsótti Elínu í tjaldið og fékk að vita sögu þess, sögu hlutanna sem þar eru og hlutverk þess í samfélagin
Sveinn Kristinsson frá Dröngum er þekktur sagnamaður. Kristín Einarsdóttir hitti Svein á Seljanesi þar sem hann sagði sögur úr sveitinni og sagði frá uppvaxtarárum sínum má Ströndum og tengslum við
Kristín Einarsdóttir fór í heimsókn að Bassastöðum á Selströnd og ræddi við Guðbrand bónda sem er farinn að velta fyrir sér starfslokum eftir langan og farsælan feril.
Jón Þórðarson sem kominn er á áttræðisaldur hefur stundað hestamennsku nær allt sitt líf og þekkir sögu greinarinnar hér á landi mjög vel. Jón kom í heimsókn á Strandir og Kristín Einarsdóttir settist niður með honum eftir vel heppnaðan reiðtúr og fékk að heyra brot af því sem Jón hefur að segja um umgengni við hesta og reiðmennsku yfirleitt
Kristín Einarsdóttir lagði leið sína að Bessastöðum í Hrútafirði til að ná í hesta sem hún hafði fest kaup á. Hún hitti þar bóndann og hestamanninn Jóhann Magnússon og dóttur hans hana Fríðu og ræddi við þau um hesta og hestamennsku.
Þann 9. mars kom nýr bátur til hafnar í svokallaðri Kokkálsvík þar sem er hafnaraðstaða Drangsnesinga. Haldið var upp á daginn með pompi og prakt, og Kristín Einarsdóttir mætti á staðinn og spjallaði skipstjórann Ingólf Haraldsson, föður hans Harald Ingólfsson og Finn Ólafsson Oddvita, auk þess sem heyrðist í Óskari Torfasyni, framkvæmdastjóra útgerðarinnar á staðnum. 9. mars 2019
